GERRY LEADS… WE FOLLOW!

NAALALA ko na nakakita ako ng kopya ng WASTED ilaang taon na ang nakalilipas, dala-dala ng isang matalik na kaibigan at illustrator na si Rodel Noora. Sabi pa ni Rodel sa akin, nag-iiba na raw ng mukha ang komiks. Nag-scan ako ng ilang pahina, nagustuhan ko ang lay-out. Tiningnan ko kung sino ang gumawa: GERRY ALANGUILAN.
 Matagal na akong hindi nakakakita ng komiks, gayunpaman ay nakikibalita ako sa mga kaganapan sa Atlas Publishing at sa mga dati naming kasamahan doon. Matagal ko nang hinahanap ang aking kumpare na si Fermin Salvador, hindi ko Makita at wala akong balita sa kanya. Si Tita Opi Concepcion ang nagsabi sa akin na nakikita niyang nag-popost ng message si Fermin sa Philippine Komiks Message Board. Mag-logon daw ako sa site na ito.
 Sa PKMB ko uli nakita ang pangalang Gerry Alanguilan. Interesting ang kanyang site. Hinangaan sya ng mga taong minsan ay nagging bahagi ng comics industry particular ng mga beteranong illustrator at ng mga kabataang mahihilig sa komiks dahil sa kanyang pagmamahal sa medium na ito. Dahil sa kanya, sa kabila ng paglamlam ng industriya ay nananatiling buhay ang interes ng marami rito. Ngayong taon, hindi mabilang ang mga indie comics creator na gusting sumunod sa mga yapak niya dahil sa tagumpay ng ELMER. Tapos na niya ang Book II ng nasabing comic book. May dalawa pang edisyon ito na dapat nating abangan. 
 Tagumpay ang launching niya ng Elmer. Hindi nakapagtataka na magkaroon ito ng cult following. Ang Elmer ay isang inobasyon sa comics publishing at hindi nakapagtataka na ito ay maging trend.
 Hindi ligtas si Gerry sa mga batikos. S akanyang message board ay Malaya niyang nailalagay ang mga puna sa kanya at sa kanyang mga nilikhang komiks – na matiyaga niyang sinasagot punto por punto. Ang maganda sa kanya, hindi siya apektado sa mga puna. Ang mahalaga sa kanya ay alam niya ang kanyang mga vision sa komiks, at ginagawa niya iyon ayon sa kanyang naisin. Masaya siya sa kanyang ginagawa, at iyon ang pinakaimportante.
 Sumisiglang muli ang industriya ng Philippine comics. Tama ang obserbasyon ni Rodel noon na nag-iiba na ang mukha nito. Salamat sa enthusiasm ng isang comics creator na tulad ni Gerry Alanguilan sa pagga-guide sa ating mga komikero sa bagong direksyon. It maybe a long journey ahead, pero kung si Gerry ang nasa unahan, hindi tayo maliligaw.